|
Ils 23 d’october 1956 ha cumenzà la revolta anticommunistica en l’Ungaria. Passa 250'000 demonstrants èn ids tras las vias da Budapest. Els èn s’engaschads per la libertad, la democrazia e l’independenza da l’Uniun da las republicas socialisticas sovieticas (URSS). A Budapest è vegnì disfatg in monument da Stalin, dal dictatur mort il 1953. Igl ha dà ina chauma generala ed il pajais è vegnì en ina profunda crisa. Las truppas sovieticas staziunadas en l’Ungaria han l’emprim stuì sa retrair. Ma suenter èn fermas truppas da chars armads penetradas en l’Ungaria ed han supprimì a moda sanguinusa la revolta dal pievel. [Tenor LQ].
(Foto: Fortepan – Pesti Srác / CC BY-SA 3.0) |
