|
Il Pass dal Lucmagn è situà a 1918 m en ina distanza da 20 km da Mustér e 19 da Luorscha. Frequentà gia en il temp medieval tempriv, ha il Lucmagn gudagnà impurtanza en il temp autmedieval e medieval tardiv cun la politica da controlla dals pass alpins proseguida dals imperaturs germans. En il temp autmedieval èn vegnids erigids ospizis cun chapluttas sin il Lucmagn: sin la spunda sid l'ospizi dals umiliads da Casatscha e quel da Camperio; sin la spunda nord ils ospizis da S. Gion, da S. Gagl e da S. Maria. A partir dal 15avel tschientaner ha il Lucmagn pers si'impurtanza en favur dals pass dal Spleia, dal S. Bernardin e dal S. Gottard. [Tenor e-lir].
(Foto: Roland Zumbühl / CC BY-SA 3.0) |
