|
Il 1925 ha il suveran svizzer acceptà in'iniziativa, obligond qua tras la Confederaziun da stgaffir la basa per ina AVS ed ina AI. Il 1931 ha il pievel refusà l'emprim project da lescha. Il december 1946 han omaduas chombras federalas approvà cun gronda maioritad in nov sboz per ina lescha. Liberals da dretga, sustegnids d'emploiads e da gremis catolic-conservativs (senza ils Cristiansocials) han prendì il referendum. Ils 7 da fanadur 1947 è quel vegnì refusà cun 80% da las vuschs, en il Grischun cun 23'397 cunter 5'891 vuschs (oravant tut catolicas). Il prim da schaner 1948 è l'AVS entrada en vigur. Dapi lura han gì lieu numerusas revisiuns. [Tenor e-lir].
(Foto: Claudia Hautumm / pixelio) |
