|
Il vitg da Castrisch è situà en la Foppa al passadi vegl sur il Rain Anteriur ed a la via da Schluein vers Stussavgia. Il num Castrisch deriva dal latin castrum e renviescha ad ina fortificaziun tempriva al lieu da la baselgia da S. Gieri. A Saissafratga, a l'anteriur passadi sur il Rain, sa chattava il lieu da dretgira medieval dals uschenumnads Libers da Lags. Tenor la tradiziun han existì fin viaden il 19avel tschientaner sis mulins da graun a l'aual al vest da Castrisch. Da l'impurtanza oriunda da l'agricultura dattan era perditga las chasas cun portal en il center dal vitg. Dapi il 2014 fa Castrisch part da la vischnanca dad Ilanz/Glion. [Tenor e-lir].
(Foto: Parpan05 / CC BY-SA 3.0) |
