|
A quest gener da bulieus appartegnan fitg bleras spezias da bulieus. La stagiun dals chavaliers cumenza cur che la naiv entschaiva a luar (chavalier da matg) e finescha l’atun, cur ch’il terren schela per l’emprima giada. Ses segns distinctivs: el è blut, pia senza stgaglias, stagn ed ha ina posiziun tut speziala. Il chavalier è generalmain in bulieu fitg charnus. Il chapè ed il pe èn inseparabels. Las lamellas èn vieutas anen vers il pe. Ellas furman damai ina chava enturn il pe. En quest vast gener chattan ins era divers bulieus da tissi; ils represchentants mangiabels domineschan però.
(Foto: Eric Steinert / Ak ccm / CC BY-SA 3.0) |
