|
Il Corp svizzer da guardias da cunfin è la part unifurmada ed armada da l’Administraziun federala da duana ed appartegna uschia al Departament federal da finanzas. El è activ en ils secturs da la duana, da la polizia da segirezza e da la migraziun. Il Corp svizzer da guardias da cunfin, sco pli grond organ da segirezza naziunal civil, è l’emprim filter da segirezza da la Svizra e contribuescha uschia a la protecziun interna dal pajais.
(Foto: Pasyamrajo at de.wikipedia) |
