|
La vipra dal Giura viva en la part meridiunala da l’Europa, en in artg che tanscha dal nordost da la Spagna sur la Frantscha, la Svizra e l’Italia fin en Slovenia. Il pli derasada è la vipra dal Giura en regiuns da muntogna da las Pireneas, dal Giura e da las Alps. En Svizra è la vipra dal Giura da chasa en il Giura, en la Part Sura Bernaisa, en il Vallais ed al sid da las Alps. Ella po surviver fin a 2600 m sur mar.
(Foto: Eric Steinert / CC BY-SA 2.5) |
