|
Pader Thomas Häberle, il «pader da giabus», è naschi ils 31 da mars 1912 a Lucerna. Il 1936 ha el fatg la matura a Mustér ed è alura entrà en la claustra benedictina. Metter si feglia da giabus ed unscher en cun ieli d’ulivas cunzunt las parts dal dies, tranter la tatona ed il tgil: quai è la metoda ch’el cusseglia «en cas da malsognas e dolurs cronicas betg contagiusas, nua ch’il tractament medical n’ha nagin u mo pauc success». Per il 100avel anniversari da pader Thomas Häberle han persunas ch'admiran sia metoda da curar natirala fundà in'uniun cun la finamira da dar vinavant la savida rimnada. |
