|
Tgi ch’è maridà, porta per il solit ina vaira. Danunder vegn quest usit? E pertge port’ins la vaira al maun sanester? Ella saja in simbol per l’eternitad da l’amur u in simbol per il liom tranter spus e spusa. Talas explicaziuns chattan ins tut a dubel en l’internet, sch’ins tschertga infurmaziuns tar ils chavazzins «Trauring» u «Ehering». Ils juveliers festinan da sincerar sin lur paginas d’internet che la vaira saja gia dapi tschientaners – singuls pretendan schizunt dapi millennis – in usit da la lètg. [Tenor ANR].
(Foto: Jason Hutchens / CC BY 2.0) |
