|
Las tecnicas d’entretschar e da taisser èn uschè veglias sco l’istorgia da l’umanitad. Gia avant ch’ils umans han cumenzà a suernar fils per taisser tailas cun chavels d’animals e fibras da plantas, entretschavan els roma, frastgas e feglia per construir paraids, tetgs e saivs. Simpels roms da taisser fabritgav’ins da mutagls e da roma. En tut las culturas èn enconuschents talers orizontals e verticals. Era sch’ils talers èn oz maschinas electronicas cumplitgadas, è la tecnica da taisser restada da princip la medema. Ils fils d’urdir vegnan stendids en la lunghezza da la taila ed ils fils tratgs en vegnan entessids. Cun cruschar ils fils d’urdir ed ils fils tratgs en sa furma in tessì.
(Foto: PD via Wikimedia Commons) |
