|
Ils latgers èn, sco las ruschlas, bulieus fitg fragils. Surtut las lamellas ed il chapè rumpan facilmain. Il gust è, sco quel da las ruschlas, pli u main intensiv. Ils latgers n’han nagin vel. Il segn il pli distinctiv da quest bulieu è il latg che sorta dal bulieu, cura che quel vegn donnegià e che dat ad el il num. Ins sto far bain attenziun, siond che quest gener da bulieus cumpiglia diversas spezias da tissi sco per exempel il latger foppà. Laics fan il meglier da rimnar be quels latgers che produceschan in liquid cotschen, sco il latger cotschen. Quels bulieus èn fitg buns per brassar.
(Foto: bernd gliwa / CC BY-SA 2.5) |
