|
Poschiavo è ina vischnanca politica situada en ina foppa lada da la part sura dal Puschlav. Cun la conquista da la Vuclina tras ils Grischuns il 1512 èn l'impurtanza strategica, commerziala e per il transport s'augmentada a moda considerabla. La perdita da la Vuclina (1797) ha indeblì fermamain l'economia da Poschiavo, basada durant tschientaners sin l'agricultura e l'allevament da muvel. En il 19avel tschientaner èn emigradas numerus Pusc'avins en auters pajais da l'Europa ed en l'Australia. En la segunda mesadad dal 19avel tschientaner han erigì pastiziers e cafetiers emigrads en la Spagna ed en il Portugal numerusas villas a Poschiavo, daventadas enconuschentas sut il num «quartier spagnol». [Tenor e-lir]. |
