|
Sievgia (Seewis im Prättigau) è ina vischnanca politica situada sin ina terrassa sin la spunda dretga a l'entrada en il Partenz, cun la fracziun da Ferrera-Pardisla e la staziun da viafier Sievgia-Valzeina en il fund da la val. En il territori da Sievgia sa chattan era las ruinas dal chastè da Fracstein e da quel da Solavers. La via da colliaziun construida il 1858 ha obtegnì il 1889 in access a la Viafier retica. Da la buna colliaziun han profità il turissem ed il traffic da cura (chasa da cura dapi il 1865, oz center da reabilitaziun). Cun il center d'industria e da commerzi en il fund da la val (Georg Fischer SA) han ins pudì crear numerusas plazzas da lavur en il sectur secundar. [Tenor e-lir].
(Foto: Xenos / CC BY-SA 3.0) |
