|
Ina part da la filosofia era en il 19avel tschientaner tempriv dominada dal sforz da «cumplenir» ed «optimar» u da superar las enconuschientschas da Kant. Caracteristic per l’idealissem tudestg (Fichte, Schelling, Hegel) èn sistems metafisics speculativs. In'autra via han prendì las ideas empiristicas sco il positivissem che vuleva declerar il mund mo cun agid da las scienzas empiricas, qvd. senza metafisica. L'economia era dasper la filosofia istorica era per la filosofia da Marx fitg impurtanta. El ha suenter Hegel ed ils materialists fundà il communissem ed ha pretendì da mesirar las reflexiuns teoreticas vi da la transfurmaziun da las relaziuns socialas concretas. [Tenor Vichipedia]. |
