|
Luisa Famos è naschida 1930 a Ramosch. Suenter il seminari da scolasts ha ella dà scola a Sertig, Vnà, Guarda, Dietikon/ZH ed Altstätten/SG. Tranter il 1969 ed il 1972 ha Famos vivì en Honduras e Venezuela, a partir dal 1972 a Bauen/UR. Ella ha publitgà sia lirica en diversas revistas sut il pseudonim Flur da Riva; il 1967 ha ella laschà stampar il raquint «L'hom sün fanestra». Las collecziuns da poesias «Mumaints» (1960) ed «Inscunters» (1974) stattan sut l'ensaina d'ina tradiziun (Bibla, chanzuns popularas) ch'ella ha transfurmà efficaziamain «da l'intern» cun vers libers ed ina concisa densitad expressiva. Famos vala sco in'impurtanta renovatura da la poesia rumantscha. [Tenor e-lir]. |
