|
Il badalestg-serp cuntanscha in'autezza da 30-80 cm. Il tschep da la ragisch stort en moda bizarra ha dà il num a la planta. Da quel tschep nascha la feglia, e da la vart ils monis cun las bleras flurs pitschnas fitg spessas. Il badalestg-serp flurescha dal matg a l'avust sin prads umids, sper l'ur d'uals e sin cultiras da chagliom aut, principalmain en las muntognas. A la famiglia dals badalestgs appartegna t.a. er la fegliascha cun sia feglia caracteristica, las lavazzas. [Tenor Flurs da prada].
(Foto: SehLax / CC BY-SA 3.0) |
