|
Alvagni (Alvaneu) è in vitg aglomerà situà a 1181 m sin ina terrassa al nord da la Val d'Alvra, cun la fracziun da Bogn d'Alvagni en il funs da la val, las Aclas d'Alvagni e las alps Creusch e Ramoz (en l'Aroser Welschtobel). Alvagni ha mo paucas interpresas commerzialas u manaschis da restauraziun. Blers abitants lavuravan ordaifer, oravant tut en l'industria, il commerzi e l'hotellaria. La chasa da cura a Bogn d'Alvagni, renovada il 1866 ed engrondida il 1904, è vegnida serrada il 1962, spazzada il 1998 e remplazzada il 2001 tras in cumplex da bogns. Dapi il 2015 fa Alvagni part da la vischnanca da vallada Albula/Alvra. [Tenor e-lir].
(Foto: Debianux / CC BY-SA 3.0) |
