|
En il Mendrisiotto, la part la pli meridiunala dal Tessin, sa chatta il Museo Vela che preschenta l'ovra da Vincenzo Vela (1820-1891). L'artist aveva acquistà gronda renconuschientscha dal temp da l'unificaziun taliana e preschentava sias ovras al public gia durant sia vita. Sin giavisch da ses bab ha relaschà Spartaco Vela il 1892 ses possess tras testament a la Confederaziun, cun la cundiziun ch'il palazzo vegnia avert al public en furma da museum u scola. Il museum è vegnì inaugurà il 1898. |
