|
Dante Alighieri (naschì il 1265 a Firenza, mort il 1321 a Ravenna) vala sco fundatur da la lingua litterara taliana. L'ovra principala da Dante è la «Divina Commedia», terminada pir curt avant sia mort. Dante ha scrit sia «Commedia» per stimular la glieud politicamain activa da restaurar en l’Italia l’urden politic destruì suenter la mort da l’imperatur Friedrich II (1194–1250). L’ovra cumpiglia trais parts entituladas tenor las trais parts da l’auter mund en la teologia catolica: «Inferno» (34 chants), «Purgatorio» (33 chants) e «Paradiso» (33 chants). [Tenor LQ]. |
