|
En il Grischun vegnivan instruids ils scolasts primars e las scolastas primaras al Seminari scolastic a Cuira, dapi il 1837 era a l'Institut evangelic ad Aschera (Scolas medias), magistras da lavurs a maun dapi il 1895 a la Scola da dunnas dal Grischun. Il 1963 è il Seminari vegnì separà da la Scola chantunala e dischlocà en las novas localitads al Plessurquai. A partir dal 2003 vegnan ils scolasts e las scolastas instruids, suenter la maturitad, durant trais onns a la Scola auta da pedagogia a Cuira. [Tenor e-lir]. |
