SCUVRAMUND – dossiers tematicsMAGLIACUDESCHS – blog da lectura

Cun sgromar u centrifugar sa lascha il grass prender davent dal latg ed elavurar separadamain en furma da groma. Groma natirala ha ina cumpart da grass da radund 25%. Groma acidulada u aschentada gudognan ins cun agiuntar a la groma bacterias d’acid da latg. Il resultat è ina groma levamain ascha d’ina consistenza pli cumpacta. Cun augmentar la cumpart da grass da la groma acidulada d’oriundamain 10% a 30% survegnan ins crème fraîche. Lezza furma la basa per producir mascarpone che cuntegna enfin 70% grass e che vala sco ina sort da chaschiel. Groma da sbatter cuntegna en il cas ideal almain 30%grass e sa lascha elavurar il meglier sch’ella è bain frestga.

(Foto: BirgitH / pixelio)