|
Il segund tom da la retscha «Ars Helvetica» è deditgà al manaschi d’art. Il cudesch preschenta en emprima lingia documents e decleraziuns concernent il dialog tranter artists e public, producents e recipients sur dad ovras exponidas. Ils exempels discutads tanschan dal «scriptorium» medieval enfin als aspects culturals en il svilup da l’electronica d’ozendi, e servan sco basa per tractar tendenzas e manifestaziuns bain definidas – individualas u collectivas – da l’art visual. Or dal cuntegn: Naschientscha e critica da l’ovra d’art; Rimnada, collecziun e commerzi d’ovras d’art; Conservar, tgirar e dar vinavant art; Il patrimoni naziunal: spievel da noss’identitad; Promover cultura. [Tenor AH II]. |
