|
La vischnanca da Rossa è situada a 1088 m entadim la Val Calanca. Dapi il 1982 cumpiglia Rossa las anteriuras vischnancas dad Augio e Sta. Domenica. Fin il 1851 ha appartegnì Rossa a la vischnanca da Calanca e dal 1796 fin il 1851 a la Calanca Dadens, alura è ella daventada ina vischnanca autonoma. La baselgia parochiala, deditgada a s. Bernard, è vegnida construida tranter il 1677 ed il 1684. Rossa posseda er diversas chapellas. [Tenor e-lir].
(Foto: Roland Zumbühl / CC BY-SA 3.0) |
