|
Puntraschigna è ina vischnanca en Engiadin'Ota, situada a l'entrada en la Val Bernina. L'alpinissem, marcà dals Englais, ha inizià enturn il 1850 (Piz Bernina). En il Museum alpin vegn preschentà il svilup da Puntraschigna ad in lieu da cura da renum mundial. Al Piz Albris è sa sviluppada a partir dal 1921 ina da las pli grondas colonias da capricorns da la Svizra. En ils onns 1842-65 è vegnida construida la via charrabla sur il Pass dal Bernina, dal 1908-10 la Viafier dal Bernina. Las pendicularas sin la Diavolezza ed il Piz Lagalb e las sutgeras sin l'Alp Languard sco era excursiuns en charrotscha en la Val Roseg èn attracziuns turisticas. [Tenor e-lir].
(Foto: Adrian Michael / CC BY-SA 3.0) |
