|
L'autur Jürg Federspiel è naschì il 1935 a Winterthur sco figl d'n schurnalist oriund da Domat. El ha passentà sia giuventetgna a Tavau e frequentà il gimnasi a Basilea. Suenter èn suandads segiurns a Berlin, Paris, New York e Basilea. Federspiel ha lavurà sco scriptur, schurnalist e criticher. Cun «Museum des Hasses» (1969), ina descripziun da New York, la «Ballade von der Typhoid Mary» (1982), las fablas «Die Liebe ist eine Himmelsmacht» (1985) ed il roman «Geographie der Lust» (1989) ha el gì success era a l'exteriur. Er en sia lirica («Im Innern der Erde wütet das Nichts», 2000) sa deditgescha Federspiel al gieu litterar al cunfin tranter la fantasia e la realitad. [Tenor e-lir]. |
