|
Anteriura vischnanca politica, fusiunada il 2010 cun Purtagn, Sarn e Tartar a Cazas. Vitg accumulà cun las fracziuns da Dagliegn e Raschlinas e cun bains isolads. Il 1958 han ins chattà a Raschlinas ina stela lepontica dal terz tschientaner a.C. cun in'inscripziun etrusca. Il 1290 èn menziunads colons dal bain episcopal da Scharons, il 1370 tals da la claustra da Cazas. Il chastè da Heinzenberg (tur da ca. 1200) era la sedia dals signurs de Vaz, alura dals de Werdenberg e de Razén. Il 1495 è attestada la chaplania, il 1519 in'atgna plaiv, il 1522 la chaplutta da S. Onna a Dagliegn (spazzada). Refurmaziun suenter il 1525. [Tenor e-lir].
(Foto: Adrian Michael / CC BY-SA 3.0) |
