|
Anteriura vischnanca politica, fusiun cun Preaz, Purtagn e Sarn a la vischnanca da Cazas il 2010 (refusà il 2005). Vitg a mantun situà a 994 m sin la Mantogna inferiura, cun las fracziuns dad Oberschauenberg, Valeina e Pro Biet ed il bain da Foppa. La suveranitad territoriala han exercità ils Vazs fin il 1337, alura ils Werdenbergs ed ils signurs de Razén, a partir dal 1475 l'uvestg. Ecclesiasticamain ha Tartar appartegnì a la pravenda gronda da Munt S. Gion/Reziòlta, a partir dal 1505 a Purtagn. L'incendi dal 1806 ha destruì quasi cumplettamain il vitg. Il 1893-94 è vegnì construì il stradun a Tartar. [Tenor e-lir].
(Foto: Adrian Michael / CC BY 3.0) |
