|
Chastè-fortezza situà sin in pitschen crest en vischinanza da Glion a la via veglia en Lumnezia. Il cumplex cumpiglia ina marcanta tur principala quadratica, restanzas d'in edifizi annex ed in vast mir da tschinta rectangular. Al pe da la collina cun la fortezza existan fastizs d'edifizis agriculs apparentamain pli novs, construids probablamain sin fundaments pli vegls. La tur d'abitar da quatter plauns datescha da l'entschatta dal 13avel tschientaner. Il cumplex era en possess dals signurs de Castelberg ch'han dentant abità qua mo durant in curt temp. [Tenor e-lir].
(Foto: Adrian Michel / CC BY-SA 3.0) |
