SCUVRAMUND – dossiers tematicsMAGLIACUDESCHS – blog da lectura

Pass a 2383 m che collia Tavau en la Val da la Landwasser cun Susch en l'Engiadina Bassa. Il Pass dal Flüela n'è mai stà uschè impurtant per il traffic da transit sco il Set ed il Spleia, perquai ch'el na surmunta betg l'entir artg alpin. La senda da sauma da Cuira sur il Pass da la Striera a Tavau e sur il Pass dal Flüela en l'Engiadina era la colliaziun la pli directa cun il Tirol austriac u sur il Pass dal Fuorn cun la Val Müstair ed il Vnuost. La via da transit è vegnida construida il 1866-67. Dapi l'avertura dal tunnel dal Veraina (1999) resta il Flüela serrà durant l'enviern. [Tenor e-lir].

(Foto: Markus Bernet / CC BY-SA 2.0)