|
Part da la vischnanca politica da Rossa, situada a 1034 m a la riva dretga da la Calancasca. L'actuala baselgia, deditgada a s. Giusep ed a s. Antoni da Padua, datescha dal 1784; ella sa chatta al lieu d'ina chaplutta construida avant il 1683. L'economia d'Augio è stada liada da tuts temps a l'allevament da muvel e durant tschientaners a l'emigraziun. Cun daners dals emigrants d'Augio, activs sco vaidrers en Frantscha e vendiders da rascha en la Baviera ed en il Tirol, è vegnida erigida en il 18avel tschientaner tranter auter la Casa Spadino (oz center cultural La Cascata). [Tenor e-lir].
(Foto: Roland Zumbuehl / CC BY-SA 3.0) |
