|
Punt sur il Rain en la vischnanca da Landquart, erigida il 1529 da Metardus Heinzenberger (numnà Tardi) da Ragaz (oz Ragaz Bogn). La Punt da Tardis è stada durant tschientaners l'unica colliaziun tranter la Veglia Republica e la Confederaziun averta durant l'entir onn. En consequenza da la pitschna rendita ha obtegnì il fittadin da la duana il dretg da manar in'ustaria ed il monopol da servir vin. Durant ils Scumbigls grischuns e las guerras napoleonicas aveva la punt in'impurtanza strategica. Il 1892 è la veglia punt vegnida remplazzada tras ina punt cun travs da fier, demolida l'enviern 2004 e substituida alura tras ina punt da betun. [Tenor e-lir].
(Foto: Adrian Michael / CC BY-SA 3.0)
|
