|
Il chantun Uri è situà entamez in mund muntagnard genuin al lieu il pli vers sid dal Lai dals Quatter Chantuns. Fitg attractivas èn las valladas lateralas da l'Uri, il Schächental, l'Erstfeldertal, il Maderanertal, il Meiental ed il Göscheneralptal. Grazia a las colliaziuns internaziunalas nord – sid da la viafier e da l'autostrada è l'Uri en ina situaziun privilegiada, quai che reguarda il traffic. Vias, sendas e pass en tut las direcziuns han caracterisà l'istorgia da l'Uri. La punt vers sid ha laschà ses fastizs en l'Uri, saja quai en l'architectura, en la cultura culinarica ed en il mund da las ditgas e da las legendas. Betg da smirvegliar ch'il monument da noss erox naziunal Wilhelm Tell è in dals monuments che vegn fotografà il pli savens en noss pajais. [Tenor www.ch.ch].
|
