|
Heinrich Schmid ha studegià romanistica, indogermanistica e slavistica a l'universitad da Turitg. A partir dal 1962 è el stà docent privat e dal 1966 fin il1983 professer extraordinari per linguistica rumantscha a Turitg. Enconuschent è Schmid cunzunt vegnì per ses engaschi per il rumantsch. Dal 1955 fin il 1964 è el stà collavuratur dal Dicziunari Rumantsch Grischun. Medemamain durant quest temp ha Schmid collavurà vi dal cudesch da nums retics. Per incumbensa da la Lia rumantscha ha Schmid elavurà la basa per ina lingua da scrittira unifitgada, il rumantsch grischun. Er per ils Ladins dal Tirol dal Sid ha el elavurà ina lingua da scrittira communabla, il ladin standard. |
