|
Munt Son Gion u Reziòlta è in chastè-fortezza en la vischnanca da Seglias, situà sin in grugn a l'ost da l'entrada en la Viamala. Il cumplex, numnà per tudestg Hohenrätien resp. Hochrialt, controllava la Val dal Rain Posteriur e la via als pass dal Spleia e dal S. Bernardin. L'impurtant cumplex fortifitgà, in dals pli vegls en Svizra, consista d'in areal exteriur cun ina baselgia e duas turs d'abitar al vest, d'ina curt interna cun la tur principala ed annexas al sidvest sco era d'in mir da tschinta che circumdescha il vast areal. Il munt era abità gia en temps preistorics. L'onn 2001 han ins scuvert in battisteri dal 5avel tschientaner. [Tenor e-lir].
(Foto: Ruedi Jecklin / CC BY-SA 3.0) |
