|
Il giat selvadi europeic (Felis silvestris silvestris) ha pudì sa mantegnair en territoris da guaud isolads e reconquista ils ultims onns adina dapli regiuns en tut l’Europa, uschia er en Svizra. En congual cun il giat da chasa (che deriva dal giat selvadi african) ha il giat selvadi in corp grond e bratg, in pail grisch brin tigrà a moda pauc conturada ed ina cua grossa e pailusa plitost curta. Il giat selvadi europeic viva en guauds da feglia e guauds maschadads, e quai en territoris cun pauca naiv. El viva a moda solitaria ed è surtut activ da notg.
(Foto: Michael Gäbler / CC BY 3.0) |
