|
Cura ch’ils utschels migrants returnan da lur quartiers d’enviern en nossas regiuns, savain nus che la primavaira è arrivada. Il randurel pitschen, la randulina stgira, la cicogna alva ed il cucu èn perditgas segiras che l’enviern è passà e che la terra cumenza puspè a sa dasdar. Mintg’onn vegn la primavaira beneventada cun grond plaschair en tut l’Europa. Lain festivar quest temp mirveglius cun drizzar noss’egliada sin ils emprims segns da primavaira, oravant tut sin il return dals utschels migrants. Quai è la finamira da l’acziun «Spring Alive» – «Primavaira vivida». I sa tracta d'in project en tut las linguas da l'Europa che sa drizza a scolaras e scolars dal stgalim mesaun e che porscha er material accumpagnant per la magistraglia. |
