|
La pigna scalegl è stada – cunzunt en Surselva – decennis a la lunga ina part da la cultura populara. Avant circa 50 onns, cura che stgaudaments dad ieli èn daventads moda, èn bleras pignas scalegl svanidas or da las stivas sursilvanas. Oz èn ellas puspè dumandadas ed ils tschentapignas che fan sin mesira pignas or da scalegl indigen han blera lavur. Andreas Joos, redactur tar la TvR, è ì a la tschertga dal chaud en differentas stivas grischunas. Ma el è era stà a filmar en la chava da crap scalegl a Mompé Medel ed el ha observà en il lavuratori co ch’il crap scalegl vegn taglià e preparà per ina pigna nova. Il commentari dal film è en rumantsch grischun.
(Foto: Robert / CC BY-SA 3.0) |
