|
Il Kirghistan, er numna Kirghisistan u Kirghisia, è in stadi situà en l’Asia Centrala. En il nord cunfinescha el cun il Kasachstan, en il sidost cun la China, en il sid cun il Tadschikistan ed en il vest cun l’Usbekistan. Chapitala dal Kirghistan è Bischkek. I sa tracta d’in pajais muntagnard che tanscha enfin bunamain 7500 m s.m. Suenter ina lunga predominanza mongola è il pajais vegnì en il 18avel tschientaner sut domini chinais ed ha fatg part da l’Imperi russ resp. da l’Uniun sovietica dal 1876 al 1991.
(Foto: Christoph schaaf / CC BY-SA 3.0) |
