|
Il vitg da Riein è situà sin ina terrassa a l'ost dal Glogn a l'entrada en la Val Lumnezia. L'anteriura vischnanca cumpigliava er l'aclaun Signina, separà da Riein tras la Val da Riein (incorporà il 1904-05). La ruina dal chastè da Cresta ha servì eventualmain da residenza als signurs da Riein (Regins), menziunads il 1325 ed il 1368. Il 1526 ha Riein adoptà la cretta refurmada. Il 1879/1880 han destruì incendis quasi l'entir vitg. La meglieraziun generala ha gì lieu 1967-84. Dapi il 2014 fa Riein part da la vischnanca dad Ilanz/Glion. [Tenor e-lir].
(Foto: Adrian Michael / CC BY-SA 3.0) |
