|
La basa per in bun partenadi è in dar e retschaiver vicendaivel. Quai vala era per relaziuns tranter stadis. Contracts e cunvegnas, cun tut lur avantatgs e dischavantatgs, furman la basa per ina convivenza paschaivla che respecta ils interess vicendaivels. Da quai èn l’UE e la Svizra persvadidas. L’UE e la Svizra collavuran dapi decennis stretgamain tenor reglas fixadas cuminaivlamain. Il pachet da las Bilateralas II cumplettescha e rinforza questa collavuraziun cun cunvegnas dals pli differents secturs da la vita. |
