|
Il 1904 è mort sper Vienna Theodor Herzl, fundatur dal moviment zionist a favur da «la creaziun d’ina patria (‹Heimstätte›) garantida dal dretg public per il pievel gidieu en Palestina». Herzl ha lavurà politicamain en il senn da lezza decleraziun durant ils davos onns da sia curta vita. Il 1947, tschuncanta onns suenter il congress da Basilea han las Naziuns unidas vuschà per in stadi arab ed in gidieu en Palestina. Il 1948 è naschì il stadi da l’Israel. [Tenor LQ]. |
