|
Tge è in’elecziun da maiorz? Tge vul dir cumular? Pudain nus votar electronicamain? Respostas sisur chattais Vus en questa broschura. Ella dilucidescha curt e bain ils dretgs politics da las burgaisas e dals burgais en la confederaziun. Però betg mo il fatg che nus pudain eleger e votar, betg mo ils vasts dretgs politics èn in segn caracteristic da la vita politica en Svizra, mabain er la plurilinguitad. Questa broschura po esser utila en quest connex; ella porscha las expressiuns tecnicas respectivas en tschintg linguas, en las quatter linguas naziunalas ed en englais. Che er quella lingua mundiala è integrada correspunda ad ina pli e pli gronda dumonda. |
