|
In tratg caracteristic dil piv mesaun èn sias plimas lungas che sumeglian a duas ureglias. Sco tut las tschuettas ha el egls praticamain immobils, persuenter po el volver il chau bunamain en tut las posiziuns pussaivlas. Giuvens pivs mesauns bandunan lur gnieu anc en il vestgì da flom, avant ch’els pon sgular. Els raivan sin chaglias e plantinas satiglias, nua che ’els batlegian l’entira notg per survegnir in pau pavel.
(Foto: Artur Mikołajewski / CC BY-SA 3.0) |
