|
Il zercladur 1996 ha il Forum Helveticum (FH) organisà en collavuraziun cun l’Uffizi federal da la cultura la dieta «Punts-Ponti-Ponts-Brücken: chapientscha tranter las cuminanzas linguisticas en Svizra». Dapi lura ha il FH realisà differentas propostas da dieta; in resultat è era il project «Partenadis da vischnancas e citads tranter las cuminanzas linguisticas en Svizra». Quest manual cuntegna, sper l’evaluaziun da la retschertga, infurmaziuns generalas davart partenadis, davart las numerusas activitads pussaivlas, tips e trics per realisar in partenadi a moda concreta ed adressas nizzaivlas. |
