|
Max Frisch è stà in dals pli impurtants scripturs svizzers dal temp suenter la Segunda Guerra mundiala. Frisch n’è betg be stà autur, el è er stà architect ed en in tschert senn ina persuna politica. Sco scriptur valeva Frisch sco moralist. Oravant tut ses teaters ils pli enconuschents «Biedermann und die Brandstifter» (1958) ed «Andorra» (1961) cuntegnan ina critica subtila envers la societad. Ils romans ils pli enconuschents da Max Frisch èn «Stiller» (1954), «Homo Faber» (1957) e «Mein Name sei Gantenebein» (1964). [Tenor rtr].
(Foto: ETH-Bibliothek Zürich, Bildarchiv / Fotograf: Metzger, Jack / Com_L12-0059-8021 / CC BY-SA 4.0) |
