|
Il signuradu da Lantsch Sut (Haldenstein) aveva trais chastels: il chastè da Haldenstein (illustraziun) era la sedia da famiglia dals chavaliers von Haldenstein e furmava il center dal cumplex da bains signurils. Abità anc il 1695, è il chastè vegnì destruì il 1769 e 1787 parzialmain tras terratrembels. Il chastè da Lichtenstein, construì en il 12avel tschientaner sin in spelm al nord da la vischnanca, era la sedia dals signurs von Lichtenstein. Il chastè-cuvel da Grottenstein, il temp d'origin dal qual n'è betg enconuschent, sa chatta al pe d'ina paraid-crap dal Calanda. Al cunfin sid da la vischnanca da Lantsch Sut è vegnì erigì a l'entschatta dal 16avel tschientaner in grond chastè. [Tenor e-lir].
(Foto: Adrian Michael / CC BY-SA 3.0)
|
