Ina lavina ha destruì il 1984 la chaplutta medievala da Sogn Benedetg (vischnanca da Sumvitg). La chaplutta nova en il nov lieu stat, sco usità en Surselva, ordaifer e sur il vitg. En dus puncts na suonda la chaplutta betg la tradiziun: Ella è da lain ed ella ha sco plan orizontal la furma d’in dagut. Cun il material mussa l’edifizi sacral ch’el appartegna al vitg e punctuescha las significaziuns da la furma da l’edifizi che sa midan tenor posiziun. Da sutensi è il bajetg ina tur che stat ferm e franc sco ils pigns davos el, che survesa il vitg e la val e collia terra e tschiel. Da surengiu è la chaplutta ina bartga che parta da la val ora. [Tenor Edifizis en il Grischun].
(Foto: Adrian Michael / CC BY-SA 3.0) |