|
Var dus terzs da las bundant 260'000 abitantas ed abitants dal chantun da Friburg discurran franzos, in terz è da lingua materna tudestga. Sco chantun da punt tranter la Svizra tudestga e la Svizra franzosa è Friburg cuntanschibel fitg bain. Igl è unic en l'Europa ch'en il chantun da Friburg è la scolaziun pussaivla en tudestg ed en franzos, e quai da la scolina fin a l'universitad. Friburg vul dentant er dir: la populaziun la pli giuvna da la Svizra; ina creschientscha economica persistenta e betg sco ultim in festival da film che resplenda sur ils cunfins svizzers or. La paletta è ritga e variada. Nairas ed alvas èn – en il chantun da Friburg – mo la vopna e las vatgas. [Tenor www.ch.ch].
(Foto: Fanny Schertzer / CC BY-SA 3.0) |
