|
Cafepress.com è in affar american che mussa fitg bain las novas pussaivladads da commerzi che l'internet porscha. I sa tracta d'ina firma che metta a disposiziun t-shirts, tastgas, tatgaders, plimatschs, scussals, cuppins ed auters products en versiun blanco. Affars affiliads en tut il mund pon far diever da questa plattafurma per agiuntar logos e maletgs ed offrir quests products a la clientella. Cafepress retschaiva alura las pustaziuns e fa la spediziun. L’online-shop da cafepress.com cuntegna er blers products cun l’inscripziun quadrilingua «Schweiz – Suisse – Svizzera – Svizra» e schizunt products «be rumantschs» cun l’inscripziun «Svizra». In regalin detg spezial, u betg? |
