|
Osteoporosa (dal grec «oss» e «dir») è ina reducziun exagerada da la substanza e structura da l’ossa da l’entir skelet. En ospitals svizzers vegnan tractads, tenor la Osteoswiss, mintg’onn radund 26 000 pazientas e pazients cun ruttadiras da l’ossa pervi d’osteoporosa. Da l’osteoporosa èn pertutgadas per la gronda part dunnas e persunas sur 40. Ils motivs èn differents: disposiziun genetica, mancanza d’ormons sexuals (tar dunnas savens suenter la menopausa), nutriment manglus, funcziuns falladas da las glondas tiroidas u anorexia. Tenor l’Organisaziun mundiala da la sanadad WHO vegn l’osteoporosa considerada sco ina da las diesch malsognas las pli frequentas en l’entir mund e valitada sco in dals problems da sanadad principals. |
